Os Chispas Do Lérez o vindeiro Sábado 23 de Marzo estaremos botando unhas cantiguiñas, e farémolo na honra do noso compañeiro Manolo García finado hai unhas semanas...
A verdade é que botamos de menos a súa presenza entrañable, a súa afable
maneira de ser, os seus ollos doces e penetrantes que te seguían sempre
amosando agarimo, o seu sorriso sempre a florear nos seus beizos e a ledicia
que nos transmitía a cada momento...
Acontecerá no Centro Social A Pedreira situado na Rúa Serra nº 36 en
Pontevedra. Alí, na compaña de todos os que queirades achegarvos, gozaremos da
nosa Música Tradicional que a el tanto lle gustaba.
Ademais botaremos algunhas pezas recén saídas do trinque como por exemplo
unha que fala de Pontevedra, do Río Lérez, da Ría,... Con música e
letra do noso Director, Xosé Iglesias, Buxán... E que de seguro, de agora en
diante vai ser a Cantiga que nos represente... Seguro que lendo o seu título,
xa saberedes o porqué: “Os Chispas Do Lérez”.
Tamén incorporaremos ao noso repertorio: “Foliada de Xil de Cambados”, e “Miña
nai mandoume á Feira” con música popular e letra do noso director.
Ningún comentario:
Publicar un comentario