Actuación No Festixeve 2024

E resulta que xa este Domingo 4 de agosto Os Chispas do Lérez estamos de novo a cantar!!! 

Será No Festixeve 2024 en Fragoso, Santo André de Xeve, arredor das 19:30 h. 

Se pasades por alí de seguro que nos escoitaredes cantar cancións emblemáticas coma estas...

   

 

E moitas máis...  

VÉMONOS ALÍ!!!! 

 

Ponte Caldelas Venres 2 de Agosto 2.024

Ponte Caldelas, unha vila non moi distante da nosa Pontevedra, será o escenario da próxima actuación de Os Chispas do Lérez. 

Será este Venres 2 de Agosto arredor das 20 h.  

Xa sabedes que será un momento moi fermoso ao son das nosas cantigas. E direivos un segredo: IMOS TER UNHA ESTREA: "O HIMNO A PONTECALDELAS". LETRA E MÚSICA DO NOSO DIRECTOR: XOSÉ IGLESIAS FERNÁNDEZ, BUXÁN!!!  

AGARDAMOS VERVOS POR ALÍ E QUE DISFRUTEDES ESCOITÁNDONOS ENTOANDO:

XIII Festa Dos Maiores O Burgo 2.024, No Teatro Principal De Pontevedra

E xa mañá Venres 26 de Xullo Os Chispas do Lérez estaremos a cantar  no Teatro Principal de  Pontevedra arredor das 20:30h.

Será con ocasión da XIII Festa dos Maiores, O Burgo 2024 que dará comezo ás 20 h.

Se vos achegades por alí escoitarédesnos entoar as seguintes cantigas:

 E Lembrade que vos agardamos alí!

Noite En Santa Cristina de Cobres

Este Sábado 20 de Xullo, Os Chispas do Lérez estaremos botando ao aire as nosas cantiguiñas.   

Será arredor das 20:30 horas no Parque da Reitoral de Santa Cristina de Cobres.

Se vos achegades por alí de seguro que pasaredes unha noite encantada co son das nosas cantigas!!! 

Botando Cantigas En Valongo, Cerdedo-Cotobade

Os Chispas do Lérez estaremos botando as nosas cantiguiñas en Valongo, Cerdedo-Cotobade.

Será este sábado 22 de xuño no adro da Igrexa de San Andrés arredor das 22 h.  

Un bonito marco para encher de música a xa de por si máxica noite de San Xoán neste lugar rodeado de fermosura e misterio.

Esperamos vervos Alí!  Para cantar con vós as nosas Cantigas!

Calendario Próximas Actuacións

En principio este é o noso Calendario de Próximos Eventos. Xa vos iremos informando con máis detalles antes de cada actuación.

Así Foi A Nosa Actuación No Teatro Principal De Pontevedra, 25 De Maio De 2.024

E o sábado 25 de maio alá estivemos Os Chispas do Lérez a cantar no Teatro Principal de Pontevedra. 

Os que vos achegastes por alí podedes dar boa fe de que así pasou! 

Verdade que sorristes durante a nosa interpretación de “Miña Nai Mandoume Á Feira"? 

 

E de seguro que vos encantou a "Foliada de Xil de Cambados".!!!

 

E que nos decides da nosa cantiga “Os Chispas do Lérez”? 

Nós disfrutamos enriba do escenario... E xa sabedes: Contamos convosco para a próxima!!! VÉMONOS NALGURES POR AHÍ!!! 

Festival De Primavera Da Coral Bella Helenes No Teatro Principal

Este Sábado 25 de Maio Os Chispas do Lérez estaremos botando unhas cantiguiñas no Teatro Principal de Pontevedra.

Estaremos acompañando á Coral Bella Helenes no seu Concerto de Primavera. Tamén estarán a Coral Alameda de Pontevedra e a Coral Polifónica de Beluso.

Se vos achegades por alí escoitarédesnos cantar as últimas incorporacións ao noso repertorio incluída unha estrea absoluta: "O Vivir en Lérez". ESTE SERÁ O NOSO REPERTORIO:

E LEMBRADE: ESPERÁMOSVOS ALÍ!!!

Gañamos "Traes Unha Cantiga?" En Pontevedra

 E, por fin, Os Chispas do Lérez participamos en “Traes unha Cantiga?”, programa da Televisión de Galicia coa intención de encontrar a mellor cantiga de taberna de Galicia. 

A verdade que puxemos todo da nosa parte para ofrecer un bonito espectáculo e así defender con garra a nosa cantiga elixida: “O Roubador”. 

E ao ver as imaxes non podemos deixar de emocionarnos ao mirar ao noso compañeiro Manolo disfrutar plenamente como el sabía facer... Temos a absoluta seguridade que este mércores 3 de abril el tamén estivo contemplando a nosa actuación desde onde el agora está. 

Xa desde o comezo notamos a boísima acollida tanto por parte do público asistente coma do xurado, mostrando grandes sorrisos, batendo palmas e outras mostras de entusiasmo.  

Que aumentaban á medida que o noso canto se debullaba e que nos daban ás para voar coa nosa cantiga facendo que os nosos nervios iniciais desaparecesen por completo.  

E, con tanta cousa, xa me esquecía de dicir: GAÑAMOS ESTA FASE!!! e, coma no festival de Eurovisión, repetimos a cantiga coa colaboración de todos os demais participantes e membros do xurado. UNHA TARDE INESQUECIBLE!!!

CLICAR NA SEGUINTE FOTO PARA VER O VÍDEO DA NOSA ACTUACIÓN: